Qytetarë të shumë janë mbledhur dhe po protestojnë sot në Prishtinë kundër dhunimit të grave dhe vajzave.
Kjo protestë është organizuar nga Kolektivi për Mendim dhe Veprim Feminist me kërkesat mbrojtje dhe siguri nga shteti për vajzat dhe gratë, raporton KosovaNews.
Protestues kanë ecur nëpër rrugët kryesore të Prishtinës, duke u ndalur para shumë institucioneve.
Disa protestues kanë hedhur ngjyrë të kuqe në dyert e institucioneve të Kosovës.
Më pas ata kanë bërë me ngjyrë edhe ndërtesën e Policisë, si dhe Prokurorisë dhe atë të Këshillit Gjyqësor.
Nën brohoritjen “Kërkojmë mbrojtje për vajzat dhe gratë”, po kërkohet dënime meritore për të gjithë përdhunuesit e vajzave dhe grave. Protestuesit kanë vazhduar marshimin dhe tashmë janë në sheshin e kryeqytetit, para objektit të Qeverisë, ku edhe po mbahen fjalime nga organizatorët.
Lidhur me rastin që tronditi Kosovën janë arrestuar pesë persona, katër prej tyre tashmë u është ndara masa e paraburgimit prej një muaji, ndërkaq të pestit pritet t’i ndahet sot.
Në mesin e të arrestuarve janë edhe tre të mitur.
Rasti i dhunimit ka ndodhur të hënën në parkun e lagjes “Arbëria” në Prishtinë./KosovaNews/
