Prokuroria Themelore në Prishtinë ka nisur hetimet lidhur me pengimin e aeroplanëve që fluturuan nga Aeroporti Ndërkombëtar i Prishtinës mbrëmjen e 13 korrikut.
Sipas policisë, rasti është iniciuar më 16 korrik, pas pranimit të një informate se incidenti kishte ndodhur në fshatin Janjevë të Lipjanit.
Hetimet po zhvillohen për veprën penale “Rrezikim i sigurisë së aviacionit civil”, ndërsa deri më tani autoritetet nuk kanë bërë të ditur mënyrën se si janë penguar aeroplanët, përkatësisht nëse është përdorur laser, dron apo ndonjë mjet tjetër.
“Rasti është duke u hetuar”, thuhet në raportin e Policisë.
Sipas Kodit Penal të Kosovës, vepra penale “Rrezikimi i sigurisë së aviacionit civil” dënohet me burgim deri në pesë vjet.
