Arrestimi i ish-anëtarit të mafias amerikane, shqiptaro amerikanit John Alite, ka rikthyer sërish në qendër të vëmendjes të kaluarën e errët të njeriut që për vite me radhë u paraqit si “i reformuar”, madje duke hyrë edhe në politikën lokale në SHBA. Sipas raportimeve të medias amerikane New York Post dhe Associated Press, Alite është arrestuar në New Jersey nën akuza për fajde, zhvatje, kërcënime dhe aktivitete të organizuara kriminale.
John Alite njihet si ish-vrases me pagesë i familjes mafioze Gambino dhe ish-bashkëpunëtor i John Gotti Jr., ndërsa në të kaluarën kishte pranuar përfshirje në vrasje, grabitje dhe rrjete kriminale. Ai më vonë tentoi të ndërtojë imazhin e një “njeriu të reformuar”, duke hyrë edhe në strukturat lokale politike në SHBA. Por arrestimi i fundit po shihet si goditje serioze ndaj këtij narrativi.
Dy javë para arrestimit John Alite ka publikuar fotografi në rrjete sociale dhe media,ku është parë në shoqëri të kryetarit të Skënderajt Sami Lushtaku. Kjo ngre pikëpyetje serioze mbi afërsinë dhe promovimin publik të personave me të kaluar kriminale ndërkombëtare.
https://www.facebook.com/share/p/1E7K7pYxLP
Në një kohë kur politika në Kosovë vazhdon të përballet me kritika për lidhje me figura kontroverse, fakti që një ish-mafioz amerikan i akuzuar për vrasje dhe fajde shfaqej si mik i politikanëve vendorë, krijon një imazh tejet negativ për kulturën politike dhe standardet morale në vend. Aq më tepër kur kjo vie nga eksponentë të fuqishëm të Partisë Demokratike të Kosovës e cila si kryefjalë të parë të saj ka miqësinë me SHBA-në dhe vazhdimisht bën akuza ndaj kryeministrit Kurti gjoja pëe prishjen e marrëdhënjeve me Amerikën.
Arrestimi i Alites nuk është vetëm lajm kriminal në SHBA. Ai është edhe një rikujtim se glorifikimi i figurave me histori mafioze, pavarësisht “transformimeve” mediatike, mund të kthehet në bumerang për ata që zgjedhin t’i afrojnë apo t’i promovojnë publikisht.
Arrestimi i tronditi anëtarët e këshillit të lagjes Englishtown.
“Absolutisht nuk kam asnjë ide se për çfarë bëhet fjalë, kështu që nuk mund të komentoj. Mund t’ju them se jam e befasuar sepse ai ka qenë një qytetar dhe këshilltar i shkëlqyer”, tha për NJ.com, anëtarja e këshillit bashkiak Janet Leonardis .
Kryetari i bashkisë së Englishtown, Daniel Francisco, i tha medias: “Çdo amerikan ka të drejtë për një proces të rregullt ligjor, përfshirë edhe Johnin. Unë nuk do të nxitohem të jap gjykim para se të dihen faktet dhe ai ka të drejtë për një prezumim pafajësie ndërsa zhvillohet procesi gjyqësor.”
Alite kishte hapur një faqe të re dhe u emërua në këshillin e Englishtown në vitin 2025, ndërsa anëtarët e tjerë të këshillit u tronditën kur dëgjuan për arrestimin e tij.
Alite u dënua me 10 vjet burg në vitin 2011, por u lirua vetëm pas një viti kur u bë dëshmitar bashkëpunues.
