Ambasadori i Britanisë së Madhe, Nicholas Abbott, në rastin e Ditës Ndërkombëtare të Viktimave të Zhdukjes, ka vizituar Bekim Gashin në Suharekë.
Gashi në masakrën e Tërnjës së vitit 1999 e kishte humbur nënën dhe katër motrat, si dhe anëtarë të tjerë të familjes dhe miq.
“Bekimi dhe të tjerët si ai meritojnë drejtësi, por më e rëndësishmja ata meritojnë që të dashurit e tyre të kthehen dhe të prehen me dinjitet”, ka shkruar ambasadori britanik në Facebook.
“Unë përsëri u bëj thirrje të dyja palëve që të punojnë së bashku për të siguruar mbylljen për viktimat dhe familjet e tyre”, ka mbaruar postimi i tij.
