Kryeprokurorja e Prokurorisë Themelore në Pejë, Shpresa Vuçetaj, ka pritur në takim përfaqësuesit e Ambasadës Gjermane në Kosovë dhe të misionit të EULEX-it, me të cilët ka diskutuar bashkëpunimin institucional dhe mbështetjen në proceset hetimore.
Gjatë takimit u diskutua bashkëpunimi i Prokurorisë Themelore në Pejë me akterët ndërkombëtarë që veprojnë në Republikën e Kosovës, si dhe mbështetja e tyre në forcimin e bashkëpunimit të ndërsjellë në çështjet me rëndësi për proceset hetimore që trajton kjo prokurori.
Palët vlerësuan rëndësinë e bashkëpunimit të vazhdueshëm institucional dhe shkëmbimit të informatave në përputhje me mandatin dhe kompetencat përkatëse, me qëllim të rritjes së efikasitetit në trajtimin e rasteve dhe forcimit të sundimit të ligjit.
Prokuroria Themelore në Pejë mbetet e përkushtuar në bashkëpunimin me partnerët ndërkombëtarë dhe në avancimin e standardeve profesionale në ushtrimin e funksioneve të saj ligjore.
