Reshjet e shiut të pardjeshme kanë ndikuar pozitivisht në mjedis, duke përmirësuar lagështinë e tokës, cilësinë e ajrit dhe rezervat ujore në vend.
Sipas Institutit Hidrometeorologjik të Kosovës, sot do të mbajë mot kryesisht me diell dhe vranësira të shpërndara. Temperaturat minimale do të lëvizin ndërmjet 8 dhe 11°C, ndërsa maksimalet do të arrijnë nga 20 deri në 23°C. Era do të fryjë e lehtë nga verilindja dhe veriperëndimi, me shpejtësi 1–5 m/s.
Nesër (e diel, 14 qershor) pritet mot me vranësira dhe intervale me diell. Në disa zona parashihen edhe riga lokale shiu. Temperaturat minimale do të jenë ndërmjet 10 dhe 13°C, ndërsa ato maksimale do të rriten nga 24 deri në 27°C. Era do të fryjë nga verilindja me shpejtësi 1–6 m/s.
Ndërkohë, indeksi UV gjatë intervaleve me diell do të jetë nga mesatar deri i lartë, prandaj rekomandohet shmangia e ekspozimit të gjatë në diell, sidomos të dielën nga ora 10:00 deri në 16:00.
