Moti gjatë ditës së sotme do të karakterizohet nga intervale me diell dhe vranësira të dendura. Sipas parashikimeve meteorologjike, gjatë orëve të ditës pritet shtim gradual i vranësirave, të cilat do të krijojnë kushte për reshje shiu të shoqëruara me shkarkime rrufesh.
Sipas IHMK-së, në disa zona të kufizuara, reshjet mund të jenë më intensive dhe të shoqërohen edhe me breshër.
Temperaturat minimale do të lëvizin ndërmjet 10 dhe 13 gradë Celsius, ndërsa ato maksimale do të arrijnë nga 22 deri në 26 gradë Celsius.
Era do të fryjë nga drejtimi i verilindjes me shpejtësi prej 1 deri në 12 metra në sekondë.
