Nënkryetari i Lidhjes Demokratike të Kosovës, Lutfi Haziri ka thënë se përafrimi i qëndrimeve të SHBA-së dhe BE-së për marrëveshjen finale Kosovë-Serbi, ka krijuar një momentum të ri për procesin i cili duhet të kapitalizohet dhe tash duhet të ndalet retorika e luftës, retorika që sjell konflikt, sepse jo shpeshherë në proceset politike krijohen rrethanat politike ku fokusi ndërkombëtar po çon drejt një zgjidhje të kërkesave që janë për njohje reciproke, pa opsion tjetër.
“Është nevojë urgjente që të zhvillohet një dialog i brendshëm për këtë me pjesëmarrje të pozitës e opozitës dhe shoqërisë civile. Krejt kjo për t’i dhënë oksigjen politik negociatorit, në interes të Republikës”, ka shkruar Haziri në Facebook.
Kryeministri Albin Kurti ka thënë të dielën se Kosova është e interesuar që të arrihet marrëveshje me Serbinë, e cila do të kishte në qendër njohjen reciproke.
Por, derisa nuk arrihet kjo marrëveshje, e cila sipas Kurtit do të ishte ndërkombëtare, ligjërisht e obligueshme, Kosova do të ketë reciprocitet të plotë, i cili siç tha, do të vendoset gradualisht.
Kryeministri Kurti iu dërgoi ftesë krerëve opozitarë për, siç tha ai, informuar lidhur me rundin e dialogut me Serbinë, të mbajtur më 18 gusht në Bruksel, por edhe për sfidat që e presin Kosovën.
“Ne jemi për dialog me parime dhe proces transparent, prandaj edhe sot i dërgojë ftesë tre krerëve opozitarë për t’i informuar e për të diskutuar për takimin e fundit që kemi pas në Bruksel dhe sfidat që i ka shteti ynë përpara”, tha ai, raporton KosovaNeës.
ANë këtë rast, Kurti tha se në rundin e fundit të dialogut në Bruksel ai ka prezantuar kornizën e përgjithshme me gjashtë kapituj për marrëveshjen përfundimtare.
