Deputeti shqiptar në Parlamentin e Serbisë, Shaip Kamberi e ka përshëndetur marrëveshjen e arritur mes Kosovës dhe Serbisë për çështjen e dokumenteve.
Kamberi theksoi se marrëveshjet si këto janë të mirëseardhura edhe për qytetarët e Luginës së Preshevës, transmeton KosovaNews.
“Përshëndes marrëveshjen e arritur me ndërmjetësimin e BE-së e përfshirjen e drejtpërdrejt të SHBA-ve”, shkroi Kamberi.
“Lëvizja e lirë, sidomos e qytetarëve të Republikës së Kosovës, po merr kuptim.Marrëveshjet si këto janë të mirëseardhura edhe për qytetarët e Luginës së Preshevës”.
