Sot në vendin tonë pritet të mbajë mot kryesisht me diell, si rezultat i ndikimit të një fushe të qëndrueshme të presionit të lartë atmosferik (anticiklon). Sipas Institutit Hidrometeorologjik të Kosovës këto kushte favorizojnë stabilitet atmosferik dhe reduktim të zhvillimeve konvektive
Temperaturat minimale do të lëvizin ndërmjet 3–5°C, ndërsa ato maksimale të ditës pritet të arrijnë vlera ndërmjet 18–21°C. Era do të fryjë nga drejtimi i juglindjes me shpejtësi të ulët deri mesatare, duke mos ndikuar ndjeshëm në parametrat termikë.
Nga aspekti agrometeorologjik, këto kushte janë të favorshme për zhvillimin e kulturave bujqësore pranverore, sidomos për proceset e fotosintezës dhe rritjes vegjetative. Megjithatë, temperaturat minimale relativisht të ulëta mund të paraqesin rrezik të lehtë për stres termik në fazat e hershme fenologjike të disa kulturave të ndjeshme.
