Kryetari i Komunës së Prishtinës, Përparim Rama, ka njoftuar se Jeta Rafuna nga sot është emëruar Drejtoreshë e Bujqësisë në Kryeqytet.
Përmes një postimi në FB, Rama i ka uruar suksese në detyrën e re, duke shprehur besimin se ajo do të japë kontribut të rëndësishëm në zhvillimin e këtij sektori.
“Jeta Rafuna nga sot Drejtoreshë e Bujqësisë në Kryeqytet. I uroj suksese në këtë detyrë të rëndësishme dhe mbarësi në rrugëtimin e ri profesional. Jam i bindur që me përkushtimin dhe vizionin e saj do të japë kontribut të çmuar për zhvillimin e sektorit të bujqësisë”, ka shkruar Rama.
Në fund, ai shtoi edhe një urim personal: “Të priftë e mbara, Jeta!”.
