Kryeministri Albin Kurit pas takimit me liderin e LDK-së Lumir Abdixhiku tha se i ka ofruar LDK-së katër ministri dhe postin e zëvendëskryeministrit.
“Kam preferuar që zëvendës im të bëhet Abdixhiku dhe të fillojmë kapitull të ri bashkëpunimi VV-LDK. Dhe para një viti pata shkruar letër Abdixhikut, më mirë ta bëjmë tash koalicionin. Nuk u bë as atëherë as tash. Në këtë mënyrë Kosova po shkon drejtë zgjedhjeve të reja, të panevojshme. Së paku 10 milion euro kushtojnë zgjedhjet, që do të sjellin rezultate të përseritura dhe s’do të sjellin zgjidhje”, tha Kurti.
Kurti tha se Abdixhiku i refuzoi ofertat e tij, ndërsa pohoi se nuk kanë më oferta tjera.
“Unë dhe me tej besoj që zgjedhjet nuk janë të nevojshme dhe se është dashur të përpiqemi më shumë dhe së s’është dashur të refuzohet oferta jonë për bashkëqeverisje, LDK të ketë zëvendëskryeministrin dhe katër ministri. Ne patëm një ofertë që pozita e kryetarit dhe nënkryetarit të Kuvendit të pësojnë një rrokadë. Që ose nënkryetari i LDK-së të zë pozitën e kryetarit të Kuvendit dhe Haxhiu të bëhët nënkryetare e kuvendit. Në këtë mënyrë ne do ta kishim dhe më tej qeverinë, s’do të kishim zgjedhje të panevojshme. LdK do ta kishte kryetarin e kuvendit. Ata refuzuan, s’kemi oferta më“, tha ai.
