Policia e Kosovës ka bërë të ditur se janë arrestuar pesë persona, ku prej tyre dy femra braziliane dhe tre meshkuj kosovarë nën dyshimin se të njëjtit kanë kryer veprën penale “marrje me prostitucion”.
Sipas njoftimit të policisë të premten, të dyshuarit janë dërguar në procedurë të shpejtë në gjykatën kompetente.
“Janë arrestuar pesë të dyshuar, dy femra shtetase braziliane dhe tre meshkuj kosovarë nën dyshimin se të njëjtit në bashkëveprim kanë kryer veprën e lartëcekur. Me vendim të prokurorit, të dyshuarit janë dërguar në procedurë të shpejt në gjykatën kompetente”, thuhet në njoftim.
