Deputeti i Lëvizjes Vetëvendosje, Adnan Rrustemi, përmes një postimi në Facebook ka bërë thirrje që të mos ndërhyhet në punën e Gjykatës Kushtetuese të Kosovës, në rastin e shqyrtimit të kushtetutshmërisë së dekretit të presidentes Vjosa Osmani për shpërndarjen e legjislaturës së dhjetë të Kuvendit të Kosovës.
“I lus disa ambasadorë që të mos e shkatërrojnë Gjykatën Kushtetuese me vizita, takime e ndërhyrje, sepse dëmet për vendin tonë do të jenë të pariparueshme”, ka shkruar Rrustemi.
Gjykata Kushtetuese ka vendosur masë të përkohshme për dekretin e presidentes deri më 31 mars, teksa është në proces të shqyrtimit të kësaj çështje.
Dekreti i Osmanit për shpërndarje të Kuvendit ndodhi një ditë pas dështimit që të zgjidhet presidenti i ri, pasi seanca u ndërpre nga kryeparlamentarja Albulena Haxhiu në mungesë kuorumit të nevojshëm për votim të presidentit.
