Kryetarja e Kuvendit të Kosovës, Albulena Haxhiu, ka deklaruar se procesi i zgjedhjes së presidentit është një moment i rëndësishëm për vendin dhe kërkon reflektim e bashkëpunim ndërmjet partive politike.
Ajo theksoi se kryesia e kuvendit nuk mund të veprojë pa pasur kandidatë të propozuar, duke bërë të ditur se në momentin kur do të ketë propozime konkrete, do të thirret seanca përkatëse.
“Vendi ka nevojë për frymë bashkëpunimi. Mirëpres takimet dhe diskutimet ndërmjet partive politike, për një dialog me qëllim gjetjen e një kandidature që bashkon”, u shpreh Haxhiu.
Sipas saj, futja e vendit në zgjedhje të reja do të ishte një kosto e panevojshme, ndërsa qëndrimet bllokuese tashmë dihet se çfarë rezultati prodhojnë.
Haxhiu sqaroi se deklarimet i ka bërë në cilësinë e kryetares së Kuvendi i Kosovës dhe jo në emër të ndonjë partie politike.
Haxhiu tha se sot pritet të mbahet një takim tjetër ndërmjet kryetarit të Lidhja Demokratike e Kosovës, Lumir Abdixhiku, dhe kryeministrit të Kosovës, Albin Kurti.
Mbetet të shihet se çfarë do të dalë nga ky diskutim, pasi deri tani nuk është përmendur asnjë emër konkret për kandidaturën.
