Protestuesit marshuan në Beograd në valën e fundit të demonstratave studentore. Ata ngritën zërin kundër korrupsionit dhe qeverisë së presidentit të Serbisë, Aleksandër Vuçiç. Protestuesit kënduan slogane kundër Vuçiçit dhe valëvitën flamuj, ndërsa ecnin në kryeqytet.
Disa prej tyre kishin në duar flamuj të Danimarkës dhe Groenlandës, që ishin në qendër të grindjes mes administratës amerikane dhe vendeve europiane, pasi presidenti Trump kërkon marrjen nën kontroll të territorit në Arktik. Protestat në Serbi po vazhdojnë prej më shumë se një viti dhe nisën pas vdekjes së 16 personave, si pasojë e shembjes së një strehe në një stacion trenash në Novi Sad.
Protestuesit kanë akuzuar qeverinë e korruptuar për tragjedinë. Studentët, që shtyjnë para këto manifestime, kërkojnë reforma dhe zgjedhje të reja. (A2 Televizion)
