Ministria e Mjedisit, Planifikimit Hapësinor dhe Infrastrukturës ka nisur punimet për rregullimin e shtratit të lumit në fshatin Ballaboq të komunës së Deçanit, në kuadër të projekteve për menaxhimin e ujërave dhe mbrojtjen nga vërshimet.
Sipas ministrit Hysen Durmishi, përveç ndërtimit të rrugëve, institucionet janë përqendruar edhe në rregullimin e lumenjve në zona të ndryshme të vendit. Projekte të ngjashme janë realizuar në disa komuna, përfshirë Gjilanin, Vushtrrinë, Skenderajn, Kaçanikun, Lipjanin, Leposaviqin, Prizrenin, si dhe në Kamenicë, Viti dhe Novobërdë.
Rregullimi i shtrateve të lumenjve synon përmirësimin e infrastrukturës, mbrojtjen e vendbanimeve dhe tokave bujqësore, si dhe uljen e rrezikut nga përmbytjet.
