Policia e Kosovës njoftoi se një person në Prizren gjendet në arrati, nën dyshimin se ka vjedhur një orë dore dhe një telefon mobil.
Sipas njoftimit policor, i dyshuari të shtunën e kishte kërcënuar viktimën me një pistoletë lodër, ndërsa ia kishte marrë orën e telefonin.
“Ankuesi mashkull kosovar ka informuar se i dyshuari i pa njohur i kishte vjedhur një orë dore dhe telefonin mobil dhe pasi që viktima kishte vërejtur dhe ka tentuar t’ia marrë, i njëjti kishte nxjerr një pistoletë”, thuhet në njoftim.
Ndërkaq gjatë ndjekjes nga pjesëtarët e Policisë së Kosovës, të dyshuarit i kishte rënë pistoleta.
Rasti po hetohet, ndërsa është iniciuar si “vjedhje e rëndë në mënyrë të vrazhdë”.
“Gjatë patrullimit zyrtarët policore kanë vërejtur të dyshuarin dhe gjatë ndjekjes i kishte rënë pistoleta lodër. I dyshuari gjendet në arrati. Rasti është duke u hetuar”, thuhet në njoftimin e plotë policor.
