Të paktën 153 persona kanë humbur jetën në Sri Lanka pas rrëshqitjeve të dheut dhe përmbytjeve të shkaktuara nga Cikloni Ditwah.
191 të tjerë rezultojnë të zhdukur dhe më shumë se gjysmë milioni njerëz janë prekur në mbarë vendin.
Më shumë se 78 mijë persona janë zhvendosur në gati 800 qendra ndihme, kryesisht të ngritura në shkolla, tha Qendra e Menaxhimit të Fatkeqësive në Sri Lanka.
Mijëra policë, personel i marinës dhe trupa të ushtrisë po shpërndajnë ushqime, po pastrojnë rrugët dhe po evakuojnë familjet e bllokuara në vende të sigurta.
