Momenti i një sulmi amerikan kundër territorit venezuelian mund të jetë i afërt. Presidenti Donald Trump njoftoi në platformën Social Truth se hapësira ajrore mbi dhe rreth vendit të Amerikës Latine ishte e mbyllur.
“Të gjitha kompanive ajrore, pilotëve dhe trafikantëve të drogës dhe qenieve njerëzore, u lutemi të konsiderojnë se hapësira ajrore është plotësisht e mbyllur”, shkruan kreu i Shtëpisë së Bardhë.
Vendimi vjen menjëherë pas ditës së falënderimeve. Duke folur për gazetarët jashtë rezidencës së tij në Florida, Trump paralajmëroi se sulmet tokësore në Venezuelë do të nisnin shumë shpejt. Ndërkohë autoritete e aviacionit civil në Karakas, reaguan duke i hequr licensat disa kompanive ajrore, si spanjolles, Iberia, asaj portugeze, Tap e po ashtu Turkish Airlines, shkruan A2 CNN.
Sakaq, janë rritur polemika mbi sulmet në det që vijojnë prej gushtit me dhjetëra viktima.
“Vritini të gjithë”, me këto fjalë sekretari amerikan i luftës Pete Hegseth, ka vendosur fatin e dy të mbijetuarve të një sulmi me raketë ameriakane kundër një anije që lundronte mes Trinidad dhe Venezuelës.
Uashington post citon shefin e pentagonit të thotë se urdhri ishte për të vrarë të gjithë. Kështu një sulm i dytë çoi në kompletimin e misionit, duke vrarë të 11 narkotrafikantët e dyshuar në bord.
