Kryetari në ardhje i Komunës së Mitrovicës së Veriut, Faton Peci, pasi e ka uruar Bedri Hamzë për zgjedhjen kryetar i PDK-së, ka kërkuar nga ai që të ndalë menjëherë abuzimet financiare, ndërhyrjet në arkivë dhe lëshimin e lejeve ndërtimore.
“Në këtë periudhë tranzicioni, administratës komunale i bëj thirrje publike: lërini manovrat me subvencione e leje ndërtimore e mbindertimi. Leri nderhyrjet ne protokollin e arkives dhe manipulimin me data. Nuk keni legjitimitet e as legalitet. Ju siguroj që çdo vendim i tillë nga periudha e fillimit të fushatës do të rishikohet, dhe portalet lokale le të përgatiten fort për të bërë opozitë për herë të parë, sepse asnjë cent nuk do ta marrin nga buxheti i komunës për 4 vitet e ardhshme. As mos shpresoni. Qyteti e di që 65% e keni pasur përqindjen, por ja që tashmë qytetari i Mitrovicës ka vendosur t’i japë fund abuzimeve me paratë e taksapaguesve”, ka thënë Peci.
Ai paralajmëroi se çdo vendim i marrë që nga fillimi i fushatës do të rishikohet, ndërsa u adresua edhe mediave lokale që financohen nga komuna. Peci theksoi se asnjë cent nuk do ta marrin nga buxheti i komunës për 4 vitet e ardhshme, duke u bërë thirrje të përgatiten për të ushtruar opozitë.
Në fund, Peci u shpreh se qytetarët kanë dhënë një mesazh të qartë në zgjedhje, duke theksuar: “Mitrovica ka folur qartë, koha e llogaridhënies ka ardhur”.
