Deputeti i Lëvizjes Vetëvendosje, Mefail Bajqinovci, ka reaguar pas ndërprerjes së rinumërimit të votave në Qendrën e Numërimit dhe Rezultateve (QNR) në Mitrovicë.
Në një postim në Facebook, ai ka akuzuar Partinë Demokratike të Kosovës (PDK) se po tenton të ndikojë në procesin e rinumërimit.
“PDK-ja e ka çu policinë e prokurorinë, e tash edhe militantët në Qendrën e Numërimit në Mitrovicë. Me zor nuk merret fitorja, ajo kohë ka shku! Mitrovica ia tregoi vendin PDK-së! Natën e mirë!”, ka shkruar Bajqinovci.
Reagimi i tij vjen pasi në QNR në Mitrovicë është ndërprerë rinumërimi i votave, ndërsa Prokuroria ka nisur hetime për dyshime mbi “keqpërdorim të votave”.
Megjithatë, nga Komisioni Qendror i Zgjedhjeve (KQZ) kanë sqaruar se bëhet fjalë vetëm për “gabime teknike” në shtypjen e fletëvotimeve, që sipas tyre “nuk ndikojnë në procesin zgjedhor”.
Lexp po ashtu:
