Gjatë kohës sa është duke u mbajtur takimi ndërmjet kryeministrit Albin Kurti dhe presidentit serb Aleksandar Vuçiq në Bruksel, ish ministri britanik për Evropë, Denis MacShane, e ka kritikuar mënyrën se si Bashkimi Evropian po i qaset dialogut Kosovë-Serbi.
Sipas tij, është presidenti rus Vladimir Putin ai i cili vendos se si do të veprojë Aleksandar Vuçiq, njofton Klan Kosova
Në llogarinë e tij në Twitter, ai thotë se përderisa Spanja, Greqia dhe Sllovakia, Qipro dhe Rumania nuk e njohin pavarësinë e Kosovës, nuk do të arrihet ndonjë ndryshim i lojës.
“POLITICOEurope e ka gabim kur mendon se BE-ja ka ndikim mbi çështjen Kosovë-Serbi. Putin vendos se çfarë do të bëjë Vuçiq. BE-ja mund ta zgjidhë nesër këtë çështje nëse Spanja, Greqia, Sllovakia etj. do ta njohin Kosovën. Kjo do të ishte një ndryshim i lojës. Përndryshe kjo do të vazhdojë në përjetësi”.
