Përfaqësuesi i Lartë i BE-së, Josep Borrell, ka thënë se gjatë takimit të sotëm pret nga kryeministri i Kosovës, Albin Kurti dhe presidenti i Serbisë, Aleksandar Vuçiq, të gjejnë gjuhë të përbashkët.
“Tensionet e fundit në veri të Kosovës kanë treguar sërish se është koha për të ecur përpara drejt normalizimit të plotë. Unë pres që të dy udhëheqësit të jenë të hapur dhe fleksibil për të gjetur gjuhën e përbashkët”, ka shkruar ai në Twitter.
Theksojmë se sot pritet të mbahet takimi i tretë mes kryeministrit të Kosovës Albin Kurti dhe Presidentit të Serbisë, Aleksandar Vuçiq në Bruksel, nën ndërmjetësimin e Bashkimit Evropian.
Zyra për media e BE-së kishte bërë të ditur se takimi ndërmjet dy liderëve do të jetë më 18 gusht në Bruksel me kryediplomatin e BE-së, Josep Borrell dhe të dërguarin e BE-së për dialogun mes dy vendeve, Mirosllav Lajçak.
Fillimisht do të ketë takime dypalëshe midis përfaqësuesit të Lartë të BE-së, Josep Borrell dhe liderëve. Takimi i Kurtit me Borrellin është paraparë të mbahet rreth orës 09:30.Ndërkaq, takimi trepalësh do të nisë në orën 10:30.
I am convening this morning the High-level Belgrade-Pristina Dialogue meeting.
— Josep Borrell Fontelles (@JosepBorrellF) August 18, 2022
Recent tensions in the north of Kosovo have demonstrated yet again that it is time to move forward towards full normalisation. I expect both leaders to be open and flexible to find common ground. pic.twitter.com/T0AhjKd1D3
