Albin Kurti pritet të dalë edhe një herë përpara Kuvendit të Kosovës për të kërkuar votëbesimin e kabinetit të ri qeveritar, të njohur si “Qeveria Kurti 3”.
Sipas burimeve brenda Kuvendit, deputetët kanë nisur mbledhjen e nënshkrimeve për thirrjen e një seance të jashtëzakonshme, ku pika kryesore e rendit të ditës do të jetë formimi i qeverisë së re.
Paraprakisht, Lëvizja Vetëvendosje duhet t’i dëshmojë presidentes Vjosa Osmani se i ka siguruar votat e nevojshme për formimin e kabinetit.
Siç raportohet, seanca pritet të mbahet gjatë kësaj jave.
Ndërkohë, kryeministri në detyrë, Albin Kurti, një ditë më parë deklaroi në konferencë për media se vendi po shkon drejt zgjedhjeve të reja, duke lënë të hapur mundësinë që përpjekja për formimin e qeverisë të mos rezultojë e suksesshme./IndeksOnline/
