Qeveria e Kosovës ka njoftuar se sot në orën 17:00, kryeministri në detyrë, Albin Kurti do të mbajë konferencë për media. Megjithatë nuk është bërë e ditur arsyeja për të cilën është thirrur kjo konferencë.
“Kryeministri në detyrë i Republikës së Kosovës, Albin Kurti, mban konferencë për media. Vendi: Ndërtesa e Qeverisë. Koha 17:00”, thuhet në njoftimin e përcjellë për medie nga zyra e kryeministrit.
Një ditë më parë në Kuvendin e Kosovës dështoi votimi i qeverisë së re në krye me liderin e Vetëvendosjes, Albin Kurti, pasi ishin vetëm 56 vota për, 52 kundër e 4 abstenime.
