Në një takim të zhvilluar më herët gjatë ditës së hënë në Prishtinë, Ushtruesi i Detyrës së Ministrit të Drejtësisë, Blerim Sallahu, ka pritur Ministren e Drejtësisë të Mbretërisë së Belgjikës, Annelies Verlinden, dhe Ministren e Azilit, Migrimit dhe Integrimit Social, Annelien Van Bossuyt.
Takimi u fokusua në thellimin e bashkëpunimit dypalësh në fushën e drejtësisë dhe sundimit të ligjit, si dhe në përgatitjet për nënshkrimin e ardhshëm të Marrëveshjes për Ndihmë Juridike në Çështjet Penale ndërmjet Kosovës dhe Belgjikës.
Ministret belge shprehën mbështetje të plotë për anëtarësimin e Kosovës në BE, Këshillin e Evropës dhe NATO, duke vlerësuar progresin në forcimin e institucioneve të drejtësisë dhe luftën kundër korrupsionit.
Po ashtu, përfaqësueset e Qeverisë belge u angazhuan për lobim ndaj pesë shteteve mosnjohëse të Kosovës që ta njohin sa më shpejt pavarësinë e saj.
Sipas Ministrisë së Drejtësisë, palët janë pajtuar të vazhdojnë bashkëpunimin dhe partneritetin strategjik në fusha me interes të përbashkët
