Një aksident i rëndë trafiku ka ndodhur të dielën në fshatin Caralevë, ku si pasojë ka humbur jetën një person.
Zëdhënësi i Policisë për rajonin e Prizrenit, Shaqir Bytyqi, ka konfirmuar për media se në aksident janë përfshirë një autobus dhe një veturë.
“Nga aksidenti, për fat të keq, një person ka ndërruar jetë”, ka deklaruar Bytyqi.
Policia ka dalë në vendin e ngjarjes dhe ka nisur hetimet për të sqaruar shkaqet dhe rrethanat e aksidentit.
