Nënkryetarja e Kuvendit të Kosovës, Albulena Haxhiu ka reaguar sërish në lidhje me certifikimin e Listës Serbe.
Ajo tha se VV ishte gjithmonë kundër certifikimit të saj, duke treguar se dje në hapje të fushatës ata hyen kryeministrin në detyrë, Albin Kurtin.
”Dje, në hapje të fushatës, sërish të njëjtit fyen Kurtin, prisnin kohën për t’u “çliruar” nga ai dhe thërrisnin “vëlla Millanin”. Kësaj radhe nuk pati reagime.” ka shkruar Haxhiu.
Tutje Haxhiu ka thënë se shoqëria civile e gatshme kundër Lëvizjes Vetëvendosje kur e kundërshtonte Listën Serbe, ndërkaq në gjumë kur kjo fyen Republikën tonë.
Postimi i plotë:
Në zgjedhjet parlamentare 2025 insistuam që Lista Serbe të mos certifikohej. Thamë, ndër të tjera, se nuk ka asnjë lloj distancimi, sidomos ndaj rastit të Banjskës. Reaguan gjithandej.
Në zgjedhjet lokale, sërish insistuam që ajo të mos certifikohej. Reagime pati përsëri.
Profilet e deputetëve të Listës Serbe po ashtu i pamë: secili më anti-Kosovë se tjetri, secili më paralel se tjetri.
Dje, në hapje të fushatës, sërish të njëjtit fyen Kurtin, prisnin kohën për t’u “çliruar” nga ai dhe thërrisnin “vëlla Millanin”. Kësaj radhe nuk pati reagime.
Shoqëria civile, e gatshme kundër VV-së kur kjo kundërshtonte Listën Serbe, ndërkaq sot në gjumë kur kjo fyen gjithçka të Republikës sonë.
