Një delegacion i udhëhequr nga Drejtori i Përgjithshëm i Ministrisë së Bashkëpunimit Rajonal realizoi një vizitë produktive në Kosovë, ku u takua me Sekretarin e Përgjithshëm të Ministrisë së Punëve të Jashtme (MPJ) dhe me Ministrin e Industrisë, Ndërmarrësisë dhe Tregtisë (MINT).
Lajmin e bëri të ditur ambasadorja e Shtetit të Izraelit në Republikën e Kosovës, Tamar Ziv, përmes një postimi në platformën X.
“U nënshkrua një Memorandum Mirëkuptimi me Ministrinë e Ekonomisë, Sektorit Privat dhe Investimeve Strategjike (MESPI) dhe Ministrinë e Arsimit, Shkencës, Teknologjisë dhe Inovacionit (MASTI) për të lançuar një program edukimi për ndryshimet klimatike. Delegacioni u takua gjithashtu me drejtues të universiteteve: Universitetit të Prishtinës, UBT-së dhe AAB-së, me qëllim thellimin e bashkëpunimit akademik”, ka shkruar Ziv.
A delegation led by the DG of the Ministry of Regional Cooperation had a productive visit to Kosovo, meeting with the GS of the MFA and Minister of MINT.
— Tammy Ziv 🇮🇱 (@AmbTammyZiv) September 12, 2025
An MoU was signed with MESPI and MESTI to launch a Climate Change Education Program.The delegation also met with university… pic.twitter.com/W1sVaeV3LY
