Numri i viktimave nga aksidenti tragjik i një anijeje që transportonte refugjatë pranë ishullit italian Lampedusa është rritur në 27.
Këtë e ka konfirmuar Komisioneri i Lartë i Kombeve të Bashkuara për Refugjatët, Filippo Grandi, transmeton KosovaNews.
“Pranë Lampeduzës ndodhi një aksident tragjik detar, ku të paktën 27 persona humbën jetën duke u mbytur,” deklaroi Grandi.
Ai bëri të ditur se vetëm gjatë vitit 2025, në Mesdheun Qendror kanë humbur jetën mbi 700 refugjatë dhe migrantë të parregullt.
Sipas tij, është e domosdoshme forcimi i operacioneve të shpëtimit në det, krijimi i rrugëve të sigurta, ndihma për vendet tranzit dhe adresimi i shkaqeve themelore të migrimit.
Një ditë më parë, zëdhënësi i UNHCR-së në Romë, Filippo Ungaro, kishte raportuar se nga i njëjti aksident kishin humbur jetën 20 persona dhe 20 të tjerë ishin shpallur të zhdukur.
