Presidenti i Benficas, Rui Costa, ka mohuar çdo ofertë nga Real Madridi për mbrojtësin e majtë Alvaro Carreras.
Raportimet e fundit sugjeronin se Madridi po përgatitej për një ofertë pas Kupës së Botës për Klube, por Costa tha se nuk ka mbërritur asgjë zyrtare.
“Ata duhet të na bëjnë një ofertë. Deri më tani askush nuk ka ardhur. Nëse e bëjnë, do të shohim çfarë ndodh”, deklaroi Costa për mediat pas fitores së skuadrës së tij ndaj Bayernit.
Ai theksoi se fokusi i klubit është te Kupa e Botës për Klube dhe jo te transferimet.
“Tani nuk është koha dhe nuk do të jetë derisa të mbarojë turneu dhe pjesëmarrja jonë. Deri atëherë, nuk ka nevojë të flasim për asgjë”, shtoi ai.
Carreras, nga ana e tij, mbajti fokusin tek gara, duke folur për MARCA-n.
“Tani gjëja e rëndësishme është Kupa e Botës. Gjithçka është mirë”, tha 22-vjeçari, që mbetet pjesë e planeve të Benficas për turneun.
