Milani po e rindërton mesfushën, pasi dëshiron të sjellë tre prurje të reja në këtë repart për sezonin e ardhshëm.
Klubi ka shtuar përpjekjet në orët e fundit, duke mbajtur kontakte të reja me të gjitha palët e përfshira në transferimin e Samuele Ricci nga Torino, sipas Fabrizio Romano.
Negociatat janë duke u zhvilluar gjithashtu me dyshen shqiptare Granit Xhakën nga Bayer Leverkusen dhe Ardon Jasharin nga Luzern, duke sinjalizuar një ndryshim të madh në qendër të fushës.
Marrëveshja me Riccin, e cila ka përparuar që nga dhjetori, mbetet prioritet, me Milanin që vazhdon diskutimet aktive pavarësisht dallimeve në vlerësim.
🚨🔴⚫️ AC Milan had new contacts with all parties involved in Samuele Ricci deal in the recent hours.
— Fabrizio Romano (@FabrizioRomano) June 25, 2025
Negotiations are underway with Granit Xhaka and Ardon Jashari…
…meanwhile, AC Milan mantain contacts active also for Samuele Ricci deal as it’s advanced since December. pic.twitter.com/mp3LhGN4Ty
Xhaka ka një marrëveshje në parim deri në vitin 2028, plus një opsion për zgjatje.
Edhe Jashari, gjithashtu shqiptar me pasaportë zvicerane dhe pjesë e Kombëtares së Zvicrës, shihet si një mesfushor 22-vjeçar me perspektivë të madhe.
Milani synon të finalizojë të paktën një nga këto lëvizje sa më shpejt, ndërsa merkatoja e verës po hyn në fazën vendimtare.
Në të njëjtën kohë, klubi po shqyrton edhe disa alternativa të tjera në rast se ndonjë nga këto pista nuk realizohet.
