Shqipëria importon naftë nga një sërë vendesh, nga të cilët Arabia Saudite rezulton partneri me peshën më të madhe të furnizimit.
Nga ky shtet, në muajin maj vendi ynë importoi 40% të totalit, ndjekur nga Egjipti dhe Algjeria me 12 dhe 11% të sasisë.
Tregtia ka ndryshuar në raport me vitet e kaluara, për shkak të zhvillimeve në lindjen e mesme, dhe partnerë si India, Omani e Greqia e Italia kanë reduktuar importet.
Të dhënat e tregtisë për muajin maj, tregojnë se fqinjët tanë, që tradicionalisht kanë qenë ndër furnizuesit e qëndrueshëm, kanë parë një ulje të ndjeshme të peshës së tyre.
Greqia ka rënë nga 14% në 4%, ndërsa Italia nga 5.5% në 1.2%.
Ndërkohë, Kroacia dhe Rumania janë shfaqur si furnizues më të rëndësishëm këtë vit, me përkatësisht 5.5% dhe 3.8% të totalit.
