Policia e Kosovës njofton se ka arrestuar një person për posedim të paautorizuar të substancave narkotike.
Arrestimi i të dyshuarit ka ndodhur në orët e mbrëmjes së djeshme nga njësitet policore në Vushtrri.
Sipas njoftimit të policisë, personi dyshohet për veprën penale “Posedim i paautorizuar i narkotikëve, substancave psikotrope dhe analoge ”.
“Arrestimi i personit të dyshuar është realizuar në rrugën “Burim Muli” në Vushtrri, në kohën kur zyrtarët policor mbi dyshime të arsyeshme kanë ndaluar të dyshuarin A. S., 22 vjeçar, me ç’ rast gjatë kontrollit të detajuar te i dyshuari është gjetur një sasi e substancës narkotike në peshë prej 1.7 gram”, thuhet në njoftim.
Bëhet e ditur se pas intervistimit, me urdhër të prokurorit të rastit, i dyshuari është liruar në procedurë të rregullt./KosovaNews/
