Tre persona janë prangosur të mërkurën nën dyshimin për kryerje të prostitucionit.
Ata u arrestuan në Mitrovicë dhe rasti kishte ndodhur në qershor, sipas Policisë së Kosovës.
Policia nuk ka dhënë detaje për rastin.
“Me datë 10.08.2022 janë arrestuar tre të dyshuar (dy meshkuj dhe një femër) kosovare, nën dyshimin se të njëjtit kanë kryer veprat e cekura. Me vendim të prokurorit, të dyshuarit pas intervistimit janë liruar në procedurë të rregullt. Rasti në proces hetimor”, thuhet në raportin 24-orësh.
Rasti është iniciuar si “mundësim apo detyrim në prostitucion dhe bashkëkryerje”.
