Rasti i Victor Osimhen po cilësohet si një nga më kompleksët në historinë moderne të afatit kalimtar, sipas ekspertit të njohur italian të transferimeve, Alfredo Pedullà.
Në një analizë të publikuar sot Pedullà ka dhënë shpjegimet e tij se pse ky transferim po bëhet gjithnjë e më i vështirë.
“Shikoni, me Osimhen është diçka që mund të ndryshojë çdo ditë. Mendoj se ai ka qenë një nga lojtarët më të ndërlikuar në historinë e tregut në 10 vitet e fundit.”
“Ishte e komplikuar verën e kaluar, do ta mbani mend. Pastaj ai vendosi të zgjidhte Galatasarayn. Tani, nëse donte të merrte paratë, më falni nëse ju them diçka kaq qartë, pa u fshehur, ai do të ishte sulmuesi i ri i Al Hilal”, deklaroi ai fillimisht.
Pedullà konfirmon se oferta nga Arabia Saudite ishte marramendëse, duke dhënë edhe shifrat.
“Al Hilal i ofroi atij 35 milionë euro në sezon plus bonuse për të arritur në 40 milionë euro. Pastaj ishte Kupa e Botës për Klube. Dhe ai, ashtu si Theo Hernandez, vendosi të mos largohej”.
“Nuk e përjashtoj që ata mund të përpiqen përsëri, por e di që ai gjithmonë ia ka mbyllur derën Arabisë Saudite. Meqenëse nuk i pëlqen, nuk do të shkojë. Ai është ende i ri, nuk do të shkojë në moshën 27 vjeç. Duke e njohur atë, ai do të lodhej pas një jave, dy muajsh dhe pastaj do të kthehej në Itali. E dini, me para mund të bindësh këdo, por për momentin është jo”, nënvizoi Pedulla.
Në këtë situatë të ndërlikuar, edhe klubet evropiane po qëndrojnë në pritje. Pedullà tregon situatën por ndalet te Juventusi
“Gjithashtu ju them se Galatasaray shpreson, por nuk është e lehtë, se klubet e Ligës Premier deri më tani nuk kanë bërë asnjë lëvizje konkrete dhe Juventusi nuk mund të përjashtohet, por është një operacion që kushton para”.
“Nëse Giuntoli do të kishte qëndruar, do t’ju kisha thënë sot se Osimhen do të kishte qenë sulmuesi i ri i Juventusit me një siguri 80% pas Kupës së Botës për Klube. Tani, pa Giuntolin, ndoshta nuk do të jetë 80%, por derisa ai të marrë një vendim, Juventusi do të ketë njëfarë shprese për ta sjellë”, ka thënë Guintoli.
Për ta përmbyllur, eksperti italian vë theksin te paqëndrueshmëria në mendimet e lojtarit, duke thënë se shpesh ndërron mendim.
“Pra, është një situatë e vështirë. Çdo ditë ai ndryshon mendje. Natën përpara mendon një gjë dhe ditën pas mendon një tjetër. Kështu që duhet të ndiqet hap pas hapi”, nënvizoi Pedulla.
Osimhen, i cili është ende nën kontratë me Napolin, ka qenë i lidhur me emra të mëdhenj si Chelsea, Arsenal, Juventus, Milan, Manchester United dhe PSG.
