Iniciativa “Asnjë cent më shumë” organizon protestë të re kundër shtrenjtimit të energjisë elektrike nesër(e premte), në orën 12:00, në sheshin “Zahir Pajaziti” në Prishtinë.
Kjo protestë vjen pas asaj që ditë më parë u mbajt në Prishtinë me një pjesëmarrje mjaft të gjerë të qytetarëve.
Teksa bordi i Zyrës së Rregullatorit për Energji(ZRrE) ka njoftuar se vendimi për çmimin e energjisë elektrike do të merret nesër(e premte), më 11 prill.
Derisa ditë më parë, ZRrE-ja ka arsyetuar se shkak kryesor i paralajmërimit të shtrenjtimit të energjisë elektrike është çmimi në bursat e energjisë elektrike.
Për këtë reagoi mbrëmë edhe njohësi i çështjeve politike e ekonomike, Shenoll Muharremi, i cili tha se nuk do të lejojnë edhe vetëm për një cent më shumë për rrymën.
Jemi në mision për me e mbrojt ekonominë tonë, bizneset tona dhe çdo familje e qytetar nga një valë e re e inflacionit që mund të shpërthejë si pasojë e rritjes së re të çmimit të energjisë elektrike”, shkroi ndërr të tjera Muharremi.
