Kryeministri i Kosovës, Albin Kurti, ka deklaruar se Lista Serbe nuk duhej të certifikohej për pjesëmarrje në zgjedhje. Ai hodhi akuza ndaj partive opozitare, PDK, LDK dhe AAK, për mosmbështetjen e kërkesës së Lëvizjes Vetëvendosje në Komisionin Qendror të Zgjedhjeve (KQZ).
“Këtë e ka kërkuar edhe subjekti politik që unë e udhëheq në KQZ, mirëpo ju e dini që ne i kemi aty vetëm dy anëtarë prej 11”, tha Kurti, duke theksuar se partitë opozitare kanë penguar kuorumin e nevojshëm për të marrë një vendim të tillë.
“Nuk ka pasur mirëkuptim nga PDK, LDK dhe AAK. Thjesht ato e kanë pamundësuar kuorumin kur do të vendosej për një gjë të tillë. Sot nuk do t’i kishim këto probleme. Pikërisht tash ka qenë koha që ta marrë mësimin Lista Serbe duke mos e lejuar certifikimin e saj. Mirëpo u bë certifikimi sepse e shihni çfarë tri partish opozitare i kemi fatkeqësisht. As për këtë gjë nuk kanë mundur që të mbajnë qëndrim parimor”, shtoi ai.
Kurti e konsideron Listën Serbe si një shtrirje të politikave të Beogradit në Kosovë dhe theksoi se ajo nuk përfaqëson vullnetin e serbëve të Kosovës, por diktatin e Beogradit.
Lexo po ashtu:
