Ministri i Infrasktrukturës, Liburn Aliu së bashku me ministrin Xhelal Sveçla dhe zëvendësministrin Hysen Durmishi kanë përuruar rrugën Bare-Selac, me gjatësi 8.4 km.
Ministri Aliu tha se kjo rrugë është me rëndësi strategjike për veriun e vendit dhe se jo vetëm që do të lehtësojë lëvizjen e qytetarëve, por do të ndikojë dukshëm edhe në zhvillimin e bujqësisë dhe blegtorisë në këto fshatra.
“Bashkë me ministrin Xhelal Sveçla dhe zëvendësministrin Hysen Durmishi, përuruam sot rrugën Bare-Selac, një projekt me rëndësi strategjike për veriun e vendit. Kjo rrugë, me gjatësi 8.4 km, jo vetëm që do të lehtësojë lëvizjen e qytetarëve, por do të ndikojë dukshëm edhe në zhvillimin e bujqësisë dhe blegtorisë në këto fshatra.
Ndërtimi i rrugës i jep fund vështirësive të mëparshme të banorëve të kësaj zone, duke krijuar një lidhje më të shpejtë dhe të sigurt me Mitrovicën. Për më tepër, duke qenë një zonë kufitare, rruga do të lehtësojë edhe punën e organeve të rendit.
Urime të gjithë banorëve!”, ka shkruar ministri Aliu në një postim në facebook.
