Pas arrestimit të një 35-vjeçari, policia ka bërë të ditur se është arrestuar edhe një grua për vjedhjen e veturës në Kaçanik.
Në njoftimin e policisë thuhet se gruaja e moshës 28-vjeçare është ndaluar për 48 orë.
“Më datë 23.10.2024, rreth orës 21:10, në stacionin policor të Kaçanikut është raportuar një rast i vjedhjes së një veture BMW X-5 me targa vendore. Vetura ishte parkuar në rrugën magjistrale Kaçanik-Ferizaj, në afërsi të Kaçanikut”.
“Pas një pune të gjatë hetimore dhe grumbullimit të informacioneve në terren, hetuesit policorë identifikuan dhe më pas me datën 17.01.2025 kanë arrestuar të dyshuarin P.L. (M/K), 35 vjeç, i cili me vendim të prokurorit të shtetit ishte ndaluar për 48 orë për procedura të mëtejshme hetimore”.
“Ndërsa në vazhdën e hetimeve , hetusit policorë sot më 21.01.2025 kanë arrestuar edhe personin tjetër F.L.(F/K) e moshës 28 vjeçe , të cilën e kanë shoqëruar në stacionin policor të Kaçanikut dhe pas intervistimit dhe me vendim të Prokurorit të Shtetit, e dyshuara është ndaluar për 48 orë”, thuhet tutje në njoftim.
