Instituti Hidrometeorologjik i Kosovës ka publikuar parashikimin e motit për ditën e diel.
Sipas këtij raporti, moti pritet të jetë me vranësira të shpërndara dhe intervale me diell.
Gjatë mëngjesit dhe natës parashikohen ngrica dhe kushte për mjegull, çka mund të krijojë vështirësi në komunikacion.
Temperaturat minimale pritet të jenë ndërmjet -8°C dhe -5°C, ndërsa ato maksimale do të luhaten nga -2°C deri në 3°C.
Era do të fryjë nga drejtimi veriperëndimor me shpejtësi të ulët prej 1-2 m/s.
Instituti apelon për kujdes të shtuar nga ana e pjesëmarrësve në trafik për shkak të kushteve të reduktuara të dukshmërisë dhe ngricave.
Po ashtu, qytetarëve u rekomandohet të kufizojnë daljet e panevojshme, veçanërisht gjatë periudhave me ndotje të lartë, dhe të përdorin maska mbrojtëse kur është e domosdoshme.
Kujdesi dhe përgatitja janë çelësi për të kaluar sigurtë ditët e ftohta dimërore.
