Bologna dhe Roma kanë ndarë pikët pas një ndeshje me kthesa e cila në fund u mbyll 2-2, e vlefshme për xhiron e 20-të të Serie A.
Ndeshja nis me një rast të Thijs Dallinga te Bolognas që tentoi të shënojë, por pa sukses.
Roma u kundërpërgjigj me Paulo Dybalan, por as argjentinasi nuk e gjeti rrjetën.
Me të filluar pjesa e dytë Roma gjeti epërsinë për 1-0, me golin e shënuar nga Alexis Saelemaekers në minutën e 58-të.
Por vendasit arritën që të barazonin rezultatin pas tre minutash (1-1), me Jens Odgaard që asistoi te Thijs Dallinga që gjeti rrjetën.
Gjërat shkuan edhe më keq për Romën, pasi shkaktuan penallti, ku Leëis Ferguson ishte i saktë për 2-1.
Bologna kishte edhe dy raste të tjera me Orsolinin dhe Fergusonin, por që asnjëri nuk arriti të shënojë.
Por krejt në kohën shtesë Roma fitoi një penallti, ku nga pika e bardhë i saktë ishte Artem Dovbyk që shënoi për 2-2.
Pas këtij barazimi, Roma mbetet e dhjeta me 24 pikë, ndërsa Bologna është e shtata me 29 pikë. /
