Barcelona po planifikon një rinovim të skuadrës verën e ardhshme nën urdhrat e trajnerit të ri Hansi Flick dhe katër emra tashmë janë zbuluar që mund të transformojnë opsionet e gjermanit.
Blaugranasit momentalisht gjenden në pozitën e tretë në La Liga dhe janë pesë pikë larg liderit Real Madridit.
Ekipi i Flick pësoi humbje në ndeshjen e fundit në kampionat para Krishtlindjeve, duke pësuar humbje me rezultat 2-1 në shtëpi ndaj Atletico Madridit.
Pas pushimit të festave, Barcelona u rikthye në aksion mbrëmë, teksa mposhtën Barbastron me rezultat 4-0 për t’u kualifikuar tutje në Kupën e Mbretit.
Sidoqoftë, ata po kalojnë në një problem të madh jashtë fushës pasi po kanë probleme me regjistrimin e dy lojtarëve shkaku i financave.
Dhe sipas një raportimi nga e përditshmja spanjolle El Nacional, Barcelona po synon transferimin e katër lojtarëve falas këtë verë, ku nuk mungojnë emra të mëdhenj.
Këtu përfshihen treshja nga Bundesliga, Jonathan Tah (Bayer Leverkusen) dhe Joshua Kimmich dhe Leroy Sane (Bayern Munich).
Përveç këtyre emrave, ata gjithashtu e kanë si objektiv edhe transferimin e Heung-min Son të Tottenhamit.
Lojtarët kontratat e të cilëve skadojnë në fund të qershorit mund të bisedojnë me klubet e huaja dhe të nënshkruajnë një parakontratë.
