Kryesuesi i Këshillit Gjyqësor të Kosovës, Albert Zogaj, ka lavdëruar mekanizmat ligjor që sigurojnë mbarëvajtjen e procesit zgjedhor.
“Kosova duhet të krenohet me praktikën e mbarëvajtjes dhe mekanizmave të zgjedhjeve. PZAP dhe Gjykata Supreme si institucion që kontrollon ligjshmërinë e vendimeve, kanë ndërtuar praktika të mirëfillta për proceset zgjedhore, janë të besueshme”, ka thënë ai në RTK.
Ndërkaq, Zogaj ka thënë se realizimi i gjykimit të parë në mungesë në Kosovë dhe dënimi me 15 vjet burgim të të akuzuarit Çedomir Aksiq për krime lufte në periudhën janar-maj 1999 në fshatrat e Komunës së Shtimes, i hap rrugën gjykimeve tjera.
“Rastet e para të trajtuara në mungesë, kanë rëndësi sepse e ndërtojnë edhe precedentin e gjykimit në mungesë. Ato shërbejnë si rrugë orientimi për proceset e tjera. Këto raste patjetër që kanë sfida, sepse duhet të sigurohen garancionet e përfaqësimit profesional për të akuzuarin, dhe këto duhet të jenë në përputhje me standardet”, ka thënë ai./Indeksonline/
