Tre persona kanë mbetur të lënduar si pasojë e një aksidenti mes një veture me targa vendore dhe një tjetrës me të huaja, në rrugën “Epopeja e Jezercit”, në Ferizaj.
Rastin e ka konfirmuar zëdhënësi i policisë për rajonin e Ferizajt, Kanun Veseli.
Ai tha se viktimat kanë marrë ndihmë mjekësore në Qendrën Emergjente të qytetit, e më pas janë liruar.
“Janë përshirë dy vetura, njëra me targa vendore dhe tjetra me targa të huaja. Veç dëmeve të shkaktuara materiale, lëndime trupore kanë pësuar tre persona, të cilët pasi kanë marrë ndihmën e parë mjekësore në Qendrën Emergjente në Ferizaj janë liruar. Në vendin e aksidentit kanë dalë Njësia e Hetimeve të Aksidenteve për hetimin e rastot , se si ka ardhur deri te aksidenti”, tha ai.
