Kryeministri i Kosovës, Albin Kurti ka shprehur krenarinë për organizimin e Lojërave Mesdhetare “Prishtina 2023”, duke e cilësuar këtë si projektin më të madh sportiv që Kosova ka ndërmarrë ndonjëherë.
Ai ka folur në një ceremoni të mbajtur për të shënuar dhjetëvjetorin e anëtarësimit të Kosovës Komitetin Olimpik Ndërkombëtar.
“Kjo ngjarje historike reflekton përkushtimin tonë për të avancuar sportin dhe për të forcuar bashkëpunimin ndërkombëtar”, ka theksuar Kurti.
I pari i ekzekutivit kosovar ka vlerësuar arritjet e jashtëzakonshme të sportit kosovar gjatë një dekade si anëtar i KOK. “Këto rezultate përfaqësojnë fuqinë e një shteti të vogël që e sfidon botën përmes punës, disiplinës dhe përkushtimit. Pra, sporti i Kosovës është simbol i vullnetit të pathyeshëm dhe shpirtit të një populli, i cili me dinjitet dhe guxim vazhdon të shkruajë histori në arenën ndërkombëtare”, ka thënë Kurti.
I pari i qeverisë ka vlerësuar lart trajnerin Driton Kuka dhe ekipin e xhudos së Kosovës, duke veçuar kampionen olimpike Majlinda Kelmendi.
