Më 10 qershor 2024 Prokuroria Themelore në Mitrovicë ka ngritur aktakuzë ndaj Drejtorit të Inspektoriatit Komunal në Komunën e Skënderajt, dhe dy të tjerëve për keqpërdorim të detyrës zyrtare.
Bëhet fjalë për drejtorin e Inspektoratit në Komunen e Skenderajt Valon Haliti, ku në pikën e parë të aktakuzës thuhe se, i pandehuri Valon Haliti në cilësinë e drejtorit të Inspektoratit në Komunën e Skenderajt, duke e shfrytëzuar detyrën e tij zyrtare me qëllim që të përfitoj operatori ekonomik konsorciumin “Andra&Asons” Sh.P.K., nuk ia ka ndërprerë punimet ndërtimore këtij operatori, dhe në këtë mënyrë i është shkaktuar dëm material komunës së Skenderajt, të dëmtuarit D.Xh në shumë prej 76 mijë e 791 euro 32 centë, ndërsa të dëmtuarit F.S në shumë prej 60 mijë euro.
Me këto veprime, Valon Haliti akuzohet se ka kryer veprën penale “Keqpërdorim i pozitës apo autoritetit zyrtar” nga neni 414 paragrafi 3, nënparagrafi 3.2 lidhur me paragrafin 2 të KPRK-së.” – kështu thuhet në aktakuzë.
Por si duket kjo nuk do të jetë pengesë për z.Haliti për t’u avancuar edhe më lartë në politikën qendrore të PDK-së raporton KosovaNews
Kryetari i PDK-së në Skenderaj njëherit nënkryetar i kësaj komune , Sami Lushtaku e ka propozuar kandidat për deputet nga radhët e PDK-së Valon Halitin edhe pse atij tashmë I është ngritur aktakuzë për keqpërdorim të detyrës zyrtare.
Sami Lushtaku madje e quan profesionist që përfaqëson vizionin e të rinjve drejtorin me aktakuzë. “Valon Haliti, drejtori ynë i Inspektoratit komunal, është kandidati tjetër i yni për deputet në Kuvendin e Kosovës. Ai është një i ri profesionist e punëtor i madh, që përfaqëson energjinë dhe vizionin e të rinjve për të ardhmen e Kosovës. Valoni është zëri që i duhet Skenderajt në Kuvendin e Kosovës!”- thuhet në postimin e Lushtakut me rastin e propozimit të z.Haliti.
