Zëdhënësi i Lëvizjes Vetëvendosje, Arlind Manxhuka ka reaguar ndaj deputetes së LDK-së, Hykmete Bajramit, ku nëpër disa studio televizive ka debatuar lidhur me etiketimet e përdorura nga ajo rreth këshilltarëve, ekspertëve në ministrinë e Shëndetësisë.
“Këshilltar i jashtëm i Ministrisë dhe ekspert i jashtëm i një organizate të huaj janë dy gjëra të ndryshme”, ka thënë ai.
Manxhuka me këtë rast bëri të ditur se deputetja Bajrami për disa herë me radhë, tenton që të përhapë dezinformata pa argumente dhe prova, lidhur me punën e ministrave dhe ministrive në Qeverinë e Kosovës.
“Hykmetja ja vendos edhe provën shpifjes
Kur unë reagova potencova dy shpifje të Hykmete Bajramit, dhe në reagimin e saj sonte ajo në fakt veç çka e paska vulosur shpifjen:
1. Pra, më nuk e tha asnjë fjalë për gënjeshtrën e saj se personi në fjalë është apo nuk është këshilltar i Arben Vitisë. Sepse nuk ka qenë kurrë; dhe
2. Kur po shpif herën e parë në Pressing po thotë ‘Këshilltar i Jashtëm’ a kur po demanton duke shpifur sërish në Dukagjin po thotë ja ku e keni si ‘Ekspert i Jashtëm’ . Kjo duket si demant ama është vet prova e shpifjes së saj.
Këshilltar i jashtëm i Ministrisë dhe ekspert i jashtëm i një organizate të huaj janë dy gjëra të ndryshme.
Shpifjet dhe dezinformatat nuk kalojnë!”, ka bërë të ditur Manxhuka në një postim në facebook.
