Një ngjarje e rëndë ka ndodhur pasditen e sotme në Klinë, ku janë dëgjuar të shtëna me armë zjarri dhe si pasojë dy persona kanë mbetur të vrarë.
Mësohet se i dyshuari për vrasjen e dyfishtë në Klinë është djali i ish-kandidatit të LDK-së për kryetar të Klinës, Besim Hoti – Jon Hoti 19 vjeçar nga fshati Jashanicë.
Sipas Policisë së Kosovës, incidenti me armë zjarri ka ndodhur pas orës 17:00 në një lokal në sheshin “Mujë Krasniqi”, në Komunën e Klinës dhe si pasojë e kësaj ka ndërruar jetë edhe personi tjetër i cili ishte i plagosur.
Fillimisht u raportua se nga të shtënat më armë një person ka mbetur i vdekur dhe një i një tjetër i plagosur.
Lajmi në lidhje me këtë ngjarje tragjike është konfirmuar edhe nga Policia e Kosovës.
